سيدة تروى قصة طفل متسول
واحنا واقفين فى طابور ماكينة الصرف الالى بالبنك الاهلى
سمعت صوته من ورايا "حاجة لله يا أبلة"
التفت له وبدأ الحديث
أنا:اسمك ايه؟
هو:إبراهيم
انا:في سنه كام؟ وعندك كام سنة؟
هو:11سنة وطلعت من المدرسة من أولى ابتدائي
انا:فين بابا
هو:ابتسامة ساخرة (فى البيت)
انا:ليه مش بتشتغل احسن عشان محدش يحرجك ولا يبصلك بصة وحشة
ولا هتكبر كده وايدك ممدودة للناس؟
هو :اشتغلت فى ورش كتييير وسيبتها عشان كنت بنضرب عشان ما
كنتش بعرف حاجات
انا:طيب ماتشوف شغل تانى وكمان ترجع المدرسة
هو:هروح المدرسة وانا كده وبيشاور على نفسه من فوق لتحت خلاص
قصده انه كبر والوقت عدى ومفيش فايده
انا:لسه بدري والحياة مستنياك فى حاجات جميلة بس الى يتعلم
هيعرفها ويعرف يعيشها
( دخل فى الحوار 3شباب منتهى ........يابنى كمل شحاته شغلانه
مضمونه اوعى تسمع كلامها أبوك هيضربك)
انا:شوفت يا إبراهيم بيتريقوا عليك عشان متعلمين وشغالين
ومعاهم فيزا بيسحبوا بيها فلوس زى ما هما عايزين
عايزة يجى يوم وتقف مكانهم رجل محترم بيشتغل ومعاك فيزا ولا
طول عمرك تقف كده
هو:كل فكره ومشاعره معايا ...وابتسم وهز رأسه موافق
انا:فى ايدك فوطة يعنى بتمسح عربيات يعنى بتشتغل
يلا أجرى على الإشارة كل عيش من تعبك وكمل تعليمك
ولو أبوك غصب عليك تجيب فلوس اوعى تشحت اطلع على شغلك امسح
عربيات
وصفتله أماكن جمعيات يروحها عشان يتعلم وقولته خد تلفونى
ابتسم قولتله هجيلك تانى عند الإشارة
مشى وكله أمل وطاقة
والشباب إلى دخلوا فى الحوار وشهم فى الأرض منى
وعند الإشارة لقيته بيلمع عربية وابتسم لى
وخطوتين وجه ورايا وادانى دلايه خمسة وخميسه
وقالى هدية ليك
قلتله منين ؟ قالى:بيبعهم للعربيات
قولتله:بس انا هشتريها عشان الدنيا هات وخد
--------------------------
مؤمنه جدا أن التنمية البشرية مش بس فى قاعات التدريب
ولا هى فقط للمتدربين داخل جدران القاعات
وإنما هى علم يحيى الناس وبه تحيا
مؤمنه جدا أن من فتح على نفسه باب نية صالحة فتح الله له
سبعين بابا من أبواب التوفيق
ليست هناك تعليقات:
إرسال تعليق